Hmoob
Cov kev pab cuam txhais lus sim thawj zaug rau xyoo 2024 thaum cov nom tswv tsim cai lij choj sib ntsib tau muab ncua mus txog 2025 thaum cov nom tswv tsim cai lij choj rov sib ntsib dua.
LCC Language Services yog ua khub koomtes nrog rau University Language Center los mus txhawb cov tswv cuab thiab neeg ua haujlwm tuav cov rooj nom tswv tsim cai lij choj sib tham tseem ceeb ua lus Hmoob, Somali, thiab Spanish.
Muaj pab txhais ntau yam lus rau qhov txhais ntaub ntawv (sau) thiab txhais lus (hais lus) rau cov rooj plaub, pawg tswv cuab cov rooj sab laj, sib tham nrog cov neeg pov npav, cov ntaub ntawv ntsuam xyuas, ntaub ntawv, ntaub ntawv tshaj tawm, cov phau ntawv me, suab lus kaw cia thiab lus teb.
Cov kev pab txhais lus pab txhawb tsis tau txhais ntaub ntawv (sau) lossis txhais lus (hais lus) ntawm cov cai, cov kev cai, cov kev cai tshiab, sau ib txoj cai tshiab, cov cai siv, cov lus tso tawm saum huab cua, cov lus xam phaj hauv xovxwm, cov rooj sab laj hauv zos lossis sib tw lossis xaiv tsa cov ntaub ntawv.
Cov tswv cuab pej xeem muaj feem thov kev pab cuam los ntawm ib tug nom tswv tsim cai lij choj, tus nom tswv tsim cai lij choj tus neeg pab nws, lossis ib tug neeg ua haujlwm rau pawg tswv cuab vim hais tias tus neeg ua haujlwm yuav tsum yog tus pib cov kev pab cuam.
Koj mus nrhiav tau cov neeg ua haujlwm pab tus nom tswv tsim cai lij choj cov xovtooj thiab email los ntawm nias tus nom tswv tsim cai lij choj lub npe los ntawm daim ntawv House Member list lossis daim Senator list. Koj mus nrhiav tau cov thawj tswj ntawm pawg tswv cuab nyob rau hauv daim ntawv House committee list lossis daim Senate committee list. Tus nom tswv tsim cai lij choj, tus nom tswv tsim cai li choj tus neeg ua haujlwm rau nws, lossis tus neeg ua haujlwm rau pawg tswv cuab muaj feem thov tau txhais lus lossis txhais ntaub ntawv rau cov tswv cuab pej xeem ua xav tau.
Tiv tauj language.services@lcc.mn.gov yog koj muaj lus nug.
Yog koj xav tau ib tug neeg txhais piav tes “American Sign Language,” thov saib cov lus qauv nug no “FAQ”: Are there services for people who are deaf or hard of hearing (Puas muaj kev pab cuam rau cov neeg lag ntseg lossis tsis hnov lus zoo)?